ଭାରତୀୟ ସୁରକ୍ଷା ଏଜେନ୍ସିକୁ ମିଳିଛି ଏକ ବଡ଼ ଆନ୍ତର୍ଜାତୀୟ ସଫଳତା। ହରିୟାଣା ପୋଲିସ ଏବଂ ସୁରକ୍ଷା ଏଜେନ୍ସି ମିଳିତ ଭାବରେ ଦୁଇଜଣ ମୋଷ୍ଟ-ୱାଣ୍ଟେଡ୍ ଗ୍ୟାଙ୍ଗଷ୍ଟରଙ୍କୁ ଗିରଫ କରିଛନ୍ତି: ଜର୍ଜିଆରୁ ଭେଙ୍କଟେଶ ଗର୍ଗ ଏବଂ ଆମେରିକାରୁ ଭାନୁ ରାଣା। ସେମାନଙ୍କୁ ଭାରତ ଆଣିବା ପାଇଁ ପ୍ରକ୍ରିୟା ଆରମ୍ଭ ହୋଇଯାଇଛି । ଭେଙ୍କଟେଶ ଗର୍ଗଙ୍କୁ ଜର୍ଜିଆରୁ ଏବଂ ଭାନୁ ରାଣାଙ୍କୁ ଆମେରିକାରୁ ଡିପୋର୍ଟ କରାଯିବ।
ଭାରତର ପ୍ରାୟ ଦୁଇ ଡର୍ଜନ ଗ୍ୟାଙ୍ଗଷ୍ଟର ଦେଶ ବାହାରେ ଅଛନ୍ତି ଏବଂ ନିରନ୍ତର ଭାବରେ ସେମାନଙ୍କ ଗ୍ୟାଙ୍ଗରେ ନୂତନ ସଦସ୍ୟଙ୍କୁ ନିଯୁକ୍ତି ଦେଉଛନ୍ତି। ତଦନ୍ତକାରୀ ଏଜେନ୍ସିଗୁଡ଼ିକ ଅନୁଯାୟୀ, ଏହି ଗ୍ୟାଙ୍ଗଷ୍ଟରମାନେ ବିଦେଶରୁ ଭାରତରେ ସେମାନଙ୍କର ସିଣ୍ଡିକେଟ୍ ପରିଚାଳନା କରନ୍ତି। ପ୍ରମୁଖ ନାମ ମଧ୍ୟରେ ଗୋଲ୍ଡୀ ବ୍ରାର, କପିଳ ସାଙ୍ଗୱାନ, ଅନମୋଲ ବିଷ୍ନୋଇ, ହ୍ୟାରି ବକ୍ସର ଏବଂ ହିମାଂଶୁ ଭାଉ ଅନ୍ତର୍ଭୁକ୍ତ। ସେମାନେ ବିଶେଷ ଭାବରେ ପର୍ତ୍ତୁଗାଲ, କାନାଡା, ଆମେରିକା, ଇଂଲଣ୍ଡ ଏବଂ ୟୁଏଇ ଭଳି ଦେଶରେ ସକ୍ରିୟ ଅଛନ୍ତି, ଯାହା ଭାରତରେ ଅପରାଧର ମୂଳକୁ ମଜବୁତ କରୁଛି।
ହରିୟାଣାର ନାରାୟଣଗଡ଼ର ବାସିନ୍ଦା ଭେଙ୍କଟେଶ ଗର୍ଗଙ୍କ ବିରୁଦ୍ଧରେ ହତ୍ୟା,ଲୁଟ,ଡକାୟତି ଏବଂ ବଟି ଆଦାୟ ଭଳି ୧୦ ରୁ ଅଧିକ ଅଭିଯୋଗ ରହିଛି। ସେ ଗୁରୁଗ୍ରାମରେ ଜଣେ ବିଏସପି ନେତାଙ୍କ ହତ୍ୟାରେ ସମ୍ପୃକ୍ତ ଥିଲେ ପରେ, ସେ ନକଲି ପାସପୋର୍ଟ ବ୍ୟବହାର କରି ବିଦେଶ ପଳାଇଯାଇଥିଲା ଏବଂ ଜର୍ଜିଆକୁ ନିଜର ନୂତନ ଅଡ୍ଡା କରିଥିଲା। ତଦନ୍ତକାରୀ ସଂସ୍ଥାଗୁଡ଼ିକ ଅନୁଯାୟୀ, ଭେଙ୍କଟେଶ ଗର୍ଗ ଜର୍ଜିଆରୁ ନୂତନ ଶୁଟରମାନଙ୍କୁ ନିଯୁକ୍ତି କରୁଥିଲା । ଦିଲ୍ଲୀରେ କିଛି ଦିନ ତଳେ ହୋଇଥିବା ଗୁଳିକାଣ୍ଡରେ ଗିରଫ ହୋଇଥିବା ଅଭିଯୋଗକାରୀକୁ ପଚରାଉଚରା ସମୟରେ ଏହି ସୂଚନା ମିଳିଛି।
ଅନ୍ୟପଟେ ଭାନୁ ରାଣା ହରିୟାଣାର କରନାଲର ବାସିନ୍ଦା ଏବଂ ଲରେନ୍ସ ବିଷ୍ନୋଇ ଗ୍ୟାଙ୍ଗ ସହିତ ଜଡିତ। ସେ ଏକ ଅସ୍ତ୍ରଶସ୍ତ୍ର ଯୋଗାଣ ନେଟୱାର୍କ ପରିଚାଳନା କରେ। କରନାଲ ସ୍ପେଶାଲ୍ ଟାସ୍କ ଫୋର୍ସ (STF) ତାଙ୍କ ତତ୍ତ୍ୱାବଧାନରେ ଅସ୍ତ୍ରଶସ୍ତ୍ର ସହିତ କାମ କରୁଥିବା ଦୁଇ ଜଣଙ୍କୁ ଗିରଫ କରିଛି। ଭାନୁ ରାଣାଙ୍କ ନେଟୱାର୍କ ହରିୟାଣା, ପଞ୍ଜାବ ଏବଂ ଦିଲ୍ଲୀ ପର୍ଯ୍ୟନ୍ତ ବିସ୍ତାରିତ। ରାଣା ଦୀର୍ଘ ସମୟ ଧରି ଅପରାଧ ଜଗତରେ ସକ୍ରିୟ ଏବଂ ଅନେକ କେସ ତା ଉପରେ ଚାଲୁଛି ।
