ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଧବାର ଭୁଟାନରୁ ଦିଲ୍ଲୀ ଫେରିଛନ୍ତି। ବିମାନବନ୍ଦରରେ ଅବତରଣ କରିବା ପରେ ସେ ସିଧାସଳଖ ଦିଲ୍ଲୀ ବିସ୍ଫୋରଣର ପୀଡିତମାନଙ୍କୁ ଭେଟିବା ପାଇଁ ଏଲଏନଜେପି ହସ୍ପିଟାଲକୁ ଯାଇଥିଲେ। ପ୍ରଧାନମନ୍ତ୍ରୀ ମୋଦି ଦିଲ୍ଲୀ ବିସ୍ଫୋରଣରେ ଆହତମାନଙ୍କୁ ଭେଟିଥିଲେ। ତାଙ୍କ ଗସ୍ତ ସମୟରେ, ସେ ସେମାନଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଥିଲେ। ପ୍ରଧାନମନ୍ତ୍ରୀ ମୋଦିଙ୍କ ସହ କଥାବାର୍ତ୍ତା ସମୟରେ, ଆହତମାନଙ୍କ ମଧ୍ୟରୁ ଅନେକ ବିସ୍ଫୋରଣ ସମୟରେ ସେମାନଙ୍କର ପରିସ୍ଥିତି ବର୍ଣ୍ଣନା କରିଥିଲେ।
ପୂର୍ବରୁ, ମଙ୍ଗଳବାର ଦିନ ଭୁଟାନ ଗସ୍ତ ସମୟରେ, ପ୍ରଧାନମନ୍ତ୍ରୀ ମୋଦି କହିଥିଲେ ଯେ ଦିଲ୍ଲୀ ବିସ୍ଫୋରଣର ସମସ୍ତ ଅପରାଧୀଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ, ଯାହାପାଇଁ ୧୨ ଜଣ ନୀରିହଙ୍କ ଜୀବନ ଚାଲିଯାଇଛି । ଭୁଟାନର ଚାଙ୍ଗଲିମିଥାଙ୍ଗ ମହୋତ୍ସବ ପଡ଼ିଆରେ ଏକ ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ ସୋମବାର ଦିନ ଦିଲ୍ଲୀରେ ହୋଇଥିବା “ଭୟାନକ” ବିସ୍ଫୋରଣ ସମସ୍ତଙ୍କୁ ମର୍ମାହତ କରିଛି। ସେ କହିଥିଲେ, “ମୁଁ ବିସ୍ଫୋରଣରେ ପ୍ରଭାବିତ ଲୋକଙ୍କ ଯନ୍ତ୍ରଣା ବୁଝିପାରୁଛି।”
ପ୍ରଧାନମନ୍ତ୍ରୀ ମୋଦୀ ଜୋର ଦେଇ କହିଛନ୍ତି ଯେ ଆଜି ସମଗ୍ର ଦେଶ ପୀଡିତଙ୍କ ପରିବାର ସହିତ ଠିଆ ହୋଇଛି। ବିସ୍ଫୋରଣ ପାଇଁ ଦାୟୀ ସମସ୍ତଙ୍କୁ କଠୋର ଦଣ୍ଡ ଦିଆଯିବ। ମୋଦୀ ଆହୁରି କହିଛନ୍ତି ଯେ ସେ ସୋମବାର ରାତି ସାରା ବିଭିନ୍ନ ଏଜେନ୍ସି ଏବଂ ବିସ୍ଫୋରଣ ତଦନ୍ତରେ ସାମିଲ ଥିବା ବ୍ୟକ୍ତିବିଶେଷଙ୍କ ସହିତ ବୈଠକ କରିଛନ୍ତି। ସେ କହିଛନ୍ତି, “ଆମର ଏଜେନ୍ସିଗୁଡ଼ିକ ଷଡ଼ଯନ୍ତ୍ରର ମୂଳ ପର୍ଯ୍ୟନ୍ତ ପହଞ୍ଚିବେ ଏବଂ କୌଣସି ଷଡ଼ଯନ୍ତ୍ରକାରୀଙ୍କୁ ଛଡ଼ାଯିବ ନାହିଁ।”
