ଆଗରେ ମିଠା ଦୋକାନ, ହେଲେ ପଛରେ ଲୁଚି ରହିଥିଲା ଚୋରା ଗ୍ୟାସର ଏକ ବଡ ରାକେଟ । ବେଆଇନ ସିଲିଣ୍ଡରକୁ ନେଇ ଚାଲିଥିଲା ଗ୍ୟାସ ରିଫଲିଙ୍ଗ, ମାଡି ବସିଲା ଯୋଗାଣ ଅଧିକାରୀ। ଗୋଟିଏ ଦୋକାନରୁ ୨୫ ଟି ସିଲିଣ୍ଡର ଜବଦ ।
ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ କାଳାହି ସ୍କୁଲଛକ ନିକଟରେ ଥିବା କାଳୀମାତା ସୁଇଟରେ ଦେଖିବାକୁ ମିଳିଛି ଏଭଳି ଘଟଣା । ଏହି ଦୋକାନରେ ଆଗରେ ଚାଲିଥିଲା ମିଠା ବିକ୍ରି ଓ ପଛରେ ଚାଲିଥିଲା ଗ୍ୟାସର କଳାକାରନାମା କାହିଁ ଅନେକ ଦିନରୁ ଚାଲି ଆସୁଥିଲା ।
ଭୋଗରାଇ ଯୋଗାଣ ଅଧିକାରୀ ଅମ୍ବିକା ପ୍ରସାଦ ରଥ ଖବର ପାଇ ଆଜି ଚଢ଼ାଉ କରିଥିବା ବେଳେ ଘଟଣା ସ୍ଥଳରେ ଚାଲିଥିଲା କଥା କଟାକଟି । ଦୀର୍ଘ ସମୟ ଚଢ଼ାଉ ପରେ ୨୫ ଟି ଗ୍ୟାସ ସିଲିଣ୍ଡର ଜବଦ ସହିତ ଗ୍ୟାସ ଚୁଲାକୁ ମଧ୍ୟ ଜବଦ କରିଛନ୍ତି । ତେବେ ସାରା ଦେଶରେ ଗ୍ୟାସ୍ ସଂକଟ ଭିତରେ ଗୋଟିଏ ମିଠା ଦୋକାନରେ ଏଭଳି ରାକେଟ ଦେଖି ଲୋକଙ୍କ ମନରେ ଅନେକ ପ୍ରଶ୍ନ ଉଠୁଛି ।ଏହି ସ୍ଥାନରୁ ପଡୋଶୀ ପଶ୍ଚିମ ବଙ୍ଗକୁ ମଧ୍ୟ ଚୋରା ଚାଲାଣ ହେଉଥିବା ଅଭିଯୋଗ ମଧ୍ୟ ଆଗରୁ ହୋଇଥିଲା
